يا ساكن القصور
لو انك فهمت اللي بدور(يدور(
وحسيت بآلامنا وهموم الشعب المقهور
سكت عليك لأنه بس صبور
وعالوطن غيور
من برجك العاجي ما شفت حالنا
ولا حسيت باللي شاغل بالنا
ولما شكينا استغربت شو مالنا
يا ساكن القصور
لو انك فهمت اللي بدور
ما اسمعت صرخة طالب عمل
وما اعطيتو ولو نتفة أمل
سميته "عاطل"وكلامه باطل
كل السنين وأنت بهمومنا جاهل
يا ساكن القصور
لو انك فهمت اللي بدور
ما اسمعت وما فهمت
وعنا ابعدت وتكبرت
وعدت وعود وتعهدت عهود
وأكلت انت وأصحابك كل العنقود
يا ساكن القصور
لو انك فهمت اللي بدور
نهبتوا البلد واحنا نتعزب(نتعذب(
تركنا البلد وصرنا نتغرب
لو سمعت ندا المزلوم(المظلوم(
ودفعت عنه الهموم
لو لبيت ندا الضعيف
ووفرتله الشغل والرغيف
يا ساكن القصور
لو انك فهمت اللي بدور
مصيره عجبينه مكتوب
اللي ما بيحترم ارادة الشعوب
يا ساكن القصور
لو انك فهمت اللي بدور
فهمتنا الآن
بعد فوات الاوان
ما في عفو ولا غفران
بعد ما انهانت كرامة الانسان
يا ساكن القصور
لو انك فهمت اللي بدور
[email protected]
