إلى دكتور
*
إقِـرْثاوي/ بَـصّاوي/ باقاوي/ بِعـناوي/ جِـشّاوي/
حـيفاوي/ ديـراوي/ راماوي/ ريـناوي/ طـمراوي/ عـكاوي/
فـحـماوي/ كفرساوي/ كـناوي/مجدلاوي/
مـعـلاوي/ مكراوي/نـحـفـاوي/ نـصراوي/ يـافـاوي/ يـركاوي
ذهب إلى قطاع غـزه لـيُـداوي!
*
تِسْــلَــــم إيـــــــدَك يــا دَكـتــــــور
وتْـــظَــــل عْـــيـونَـــك صـاحـــي!
خَـلّـي عْـيـونـي تْــشــوفِ الــنّـور
ودَخْــلَـــك داويــلــي جْـــراحـــي!
*
عَــمْــتَـعْـطــيـنـي حُـــــبّ كْـبــيــر
وبِــتْــخَــفِّــفْــلــي أوْجــاعــــــــــي
وعَــمْـتِــنْــشِـلـنـي مِـن هَـالـبـــيــر
وغــيـرَك مــا إلْــنـــا راعِــــــــي!
*
عَــمْــتِــنـْـشِــلــنــا مِــــن زِلْـــــزال
وشــايِــف شـــــو صـــارِ بْـغَــــزِّه
هَــدّوا بْــيــوت وراحــوا طْــفــــال
ومــاتــــوا فـــي عاشِر هَـــــــزّه!
*
هَــــدّوهــا ومـــا انـْـهَــدّيـــــــــنـــا
وغَـــزِّه بـــاقــي فــي روحـــــــــي
بِــنْــعَــمِّــرهــا بـــإيــديــنـــــــــــا
لــمّـــا بِــتْــصِــــحّ جْــروحـــــــــي
*
بِـنْـعَــمِّــرهــا – مَــهْــمـــــا صـــار
بْـنِـبـقــى هـــــون ومــــا بِــنْــروح
مـــاتــوا أهْــلـــي بْــقَـلبِ الـــــدّار
وقَــلْــبــي مَــوْجـــوع ومَــجْــروح
*
ومـــا ظَـــلّ عِـــنْـــدي قَـــريــــــب
ومــا عُــدْت بْــعــيــنــي أشـــــوف
وقــالــولــي، إنْــتــي الطَّـــبــيــــب
دَخــيــلَــك، إعْـــمَــل مَــعْــــروف!
*
وقــالــولــي عِــنْــدَك إيــمـــــــــان
وبـعْـيـونَـك عَــمْـتِــشْــفـي الـنّـاس
وقــالــولــي عَـــنْـــــــك إنْــســـان
ودَكــتــور بْــتِــرفــع الــــــــرّاس!
*
ومـــا إلْــنـــا غــيـــرَك نَــصــيــــر
وحــالِــتْــنــا حــالـــي صِــعْــبـــــي
ومِــش عـارف شـو بَــدّو يْـصـيــر
والـعـيــشِـه عـــيـــشِـــه تِــعـْـبـي!
*
وهَـــــيّــاك شــــــــوفِ الحــالــــي
وشــو صــار بْــعــيــنــي وإيــــدي
ظَــلـّـيــت - وراحــوا عْـــيــالــــي
أنــا وأخْـــــتـــــــــــي الـوَحــيــدي
*
ويِــمْــكــن ســامِــع بـِــالأخْــبــــار
كَـــــــــــــــلام بـــــيــهِـــدِّ الـــرّوح
وبــيــقــولــوا: "لازِم هَـالـــــــدّار
كُــنّــا نِـتْــرِكْــهــــــا ونْــــــــروح!
*
وإحْــنـا ، ويـــن بَــدّنـــا نْــطــيــر؟
ومـــا إلْــنــا مَـــطْــرَح ثــانــــــــي
والــعــالَــم مَــخْــدوع كْــثــيــــــــر
ومِــشْ عــارِف مــيــنِ الـجـــاني!
*
ومـــــا فـي حَــدا يْـــســاعِــدْنــــــا
أو حَــــدا فـــيــنـــا فـَـطْــنــــــــــان
والــظّــالـِــــم بــيــــهَــدِّدنــــــــــــا
والــبــــارود بالأطْـــــنــــــــــــان!
*
والـــعَـــرَبي قـَـلــبــو تْـعـــــــبـــان
وبـــالــو مَــشْــغــول بْــحــالـــــــو
والـــغَــرْبي فــيــنــا شَـــــمْــتـــان
والــظــالـِـم عَ فَــيـّـالـــــــــــــــــــو
*
والــغــاشِــم تــارِكْــنــا نــــْمــــوت
تـَـحْـــت كْـــوام حْــجــــار الــــدّور
ومــا عـِـنـّــا حَــتـّــــــى تــابــــوت
والــحــارَه مَــلـيـانـِــــه قـْـبـــور!!
*
والــعــالـَــــــم بــيــجــــافــيــنــــــا
وعَــلــيــنــا قـاســــي الأحْـــكـــــام
بَـــدّو بـصَّــحْــــــرا يْـخـلـيـنـــــــــا
ونْــعــيــشِ عِــيْـشِــــــة خُــــــــدّام
*
وحـــاصِــرْنـــا دايـِــر مِــنْــــــــدار
بْأطْـــواقْ وِسْــيــاجِ وْســـــــــــور
وجـيــــشِ وْصــــــــاروخ ورادار
وفــي كُــــــــلّ زاوي نــــاظــــور!
*
وشــو بَــدّو يِــعْــــمَــــل فَــقـــــيـر
مــا عِــنْــدو يْــطَــعْــــــمــي وْلادو
وبـيـشـوفْ حــالــو أســــــــــــيــر
وراحَـــت مِـــن إيـــدو بـْــــــلادو؟
*
وأنــــــا مِــثِــل كُـــــــــلِّ الــنّـــاس
بَــدّنـــا نْــعــيــش بْــحُــرِّيـِّــــــــــه
ونِــبْــقـــى مَـرفــوعــيــن الــرّاس
وإلْــنـــا بــيــــــتِ وْهَــوِيـِّـــــــــه!
*
وإحْــنــا يـــــــــا دَكْــتـــورْ نــــــــا
كُــنّــا فــي الـمـاضــي أسـْـــــــيــاد
وراحَــــــــت كُـــلِّ دْيــــارنـــــــــــا
وصُـــرْنـــا مِــــن أفْــقَـــر لِــبْـــلاد
*
والـــغَــنــي – فــي الــفَــنـــــــادِق
بـْـيِــسْـهَـر وبْــيِــعْــمَــل حَـــفْــلات
وإحْــنـــا تـَـحْــتِ الــخَــنــــــــادِق
ومـن فــــــوق نــار وغـــــارات !
*
وإنـْـتــي شـــايـِــــــف حــالـِـتـْـنـــا
مــا فــي مــيـــــــن يـْــداويـــنــــــا
وإنـْـتـــي مِــــــن أهْــلِــيـِّـتـْــنـــــــا
بـْـتِــعْـــرِفْــنــا ومِــنّــا وْفــيــنــــا!
*
وإِنـْـتــي يـــــا عَــمّـــي الـطَّـبـيــب
جــــــاي وبـَـــــــــدَّك راحِــتـْــنـــــا
ظـَـلـَّـــك عِــنّــا حَـتـّــــى يـْغـــيـــب
عَــتْــــم الـلــيــلِ بْـــخــيــمِـــتـْــنــا
*
ظَـلـَّـك – مـا فـي نُـقْــطِــة مَـــــــيّ
تَ أغْــسِــــل عــيــنــي فـيـهــــــــا
ومــــــــا عِــنْــــدي إمّ ولا بَــــــــيّ
تـِــسْــقــيــنـي أوْ أسْــقـيـهــــــا !!
*
وكُـل صْـحــابــي فــــي الــحـــــارَه
وكُــــــــــــــلِّ وْلاد جــيـــرانـــــــي
راحـــوا فــــــــي أوّل غـــــــــــارَه
وألـّـلــه الــعــالــي حَــمــانــــــي!
*
وأنــا فــــي عــاشِـــر غـــــــــــارَه
حَــسّــيــت انْــصــابَــت عــيــنــــي
بـِــــــــرْصـــاص مِــــــن طَــيّـــارَه
مــا بــيــنْ أخْــتــي وبــيــنـــــــــي
*
وعْــيــونـي مَـلـيــانـِــه دْمــــــــوع
وغـيـرَك مِــــش شــايـِـف فــيــهــا
وعَ بْــلادي قَـلــبــي مَـــــــوْجــوع
وغــيــرَك مــا بــيـــــداويـــــهــــا!
*
وغــيــرَك مــا عِــنـّــــا هـــــــادي
يـِــهْــديــنــــــا أو يـِـشْــفــيــــنـــــا
وخــايـِـف هَــــــــزّات بْــــــــلادي
تـَـحْــت الــخَـنـْـــدَق تِــخْــفــيــنــا!
*
تِــسْــلــم إيـــــــدَك يــا دَكـــتـــــور
وتـِـبْــقـى تْـــــــداويـلي جْـــراحـي
تَ يـِـرجـــــع لَ عْـيـونـي الـنـّــور
و يْـصــيــــــر الـنّــور سْـــلاحـي!
[email protected]
