هــــذي الـدَّواعِـش، قُـلّـلي ، مِـن أيّــا زَمــان؟
وجــايــي لَــعِـــنّــا ، قُـلّـلي، مِــن أيّـــا مَــكان؟
وقُــلّـلـي دَخـيـلَــك، مـيـن أعْــطــاهـا حُــقــوقْ
تِــذْبَـح يَـزيـــــدي وأَشـــــوري أو تُـرْكُــمـــان؟
*
وقُـلّـلـي، دَخــيـلَـك، قُـلّـلـي، شـــو إيـمـانْـهــا؟
ومــا حَـدا عــــارِف بـــيــتْــهــا وعُــنــــــوانْـهــا!
مـن ألـف زاوي جــــاي عَــــــبْـــــــلاد العَـــــرَب
تَ تِــسْـلِـب الأوطــــــان مِـــــن سُــكّـانْـهـــــا!
*
مِــن ألـْـف زاويـــه وجــاي مِــن كُــلِّ الجِهـــات
تَ يـِقْـضـــوا عَ أهْــــلِ الـفِـكـِر والــحَـضــــــارات
ومَـعْـهــا خَـفـافـيـش الـجَـهـالـِه فـي الـظَّـلام
تَـيْـسَــمِّــمــوا مَــيـّــــات دِجْـــلـَـه والــفُـــرات!
*
ومَـعْـهــا فَــكِـر جـانـي عَـلى الــدّيـن الحَـنـيـف
بِــتْــحَــوِّر الأدْيـــان بـالــفِــكْـــر الــسَّــخــيــــف
ومَـعْـهــــا مَـصــايـِب فَــظيـعَـه بْـتِـشـهِـد عَـلى
نَهْـجِ الهَـمَج والـعُـنْـصُـري الـنّـازي العَـنـيـــــف!
*
ومَـعْـهــا عَــقـيـدي بْـعـيــدي عَـن إسْـلام كـانْ
يِـعْـطـي سَـلامـو وكَـلامـو ويِـعْـطـي الأمــــــانْ
وهــذي الــَــدواعــش حَــرَّفَــــت إِسْـــلامْـهــا
وكِـلْمِة "سَـلام" بْـعُـنْـف قـاسـي وعُــنْـفُـــوان!
*
وهــذي الـبَـواهِـش وراهــا الـفِـكْــــرِ الـغَــبــي
فِــكْــرَه شُــعــوبِــيـِّـه صَنَــعْــهــــا الأجْــنَــبـــي
فِـْتـنِـه انْــطَـبَـخ فــيـهــا فـِـكْـر أسْــوَد هَـجـيـن
تَ يِــقْــضـي عَـالـفِـكْـر الـعُـروبـــي الـيَـعـرُبـي!
*
فِــتْـنِـه ومَ بَـعْــرف مـيـنِ صاحِـبْهـا الخَـطـيـر!
مــا خـافْ ألّــلــه، لا ولا عِـــنْــــدو ضَـــمــيــر!
شَــقّــوا الـعِـراق وعَـرْبـدَوا بْـــشـــام الـعَـرَب
والـشَّـعِــب نُـصّـو مْــهَــجَّــر ونُـصّـو أســيـــر !
*
شَــقّــوا الـبِــــلاد وقَــطَّــعــوا روسِ الــرِّجـــال
شَــقّـوا الأهِـل شَـرْق وغَـرِب قِـبلي وشَــمال
هَــدّوا الـبَـلـد واسْــتَـــــــفْـرَدوا بْـنِـســـوانْـهـا
وقـالـوا: جِـهـــادِ الـنِّـكاح مْـحَـلَّــل حَــلال (!؟)
*
هـَــدّوا الـبَــلَــد واخْــتَـــــل مـيــزانِ الـوُجـــود
والـمَـجْـزَره بْـسِـــنْـجـار والـموصِـــل شُــهـود
وصارَت سَـــــرايا الــمـوت تِــعْــــدِم أهِــلْـهـــا
وعُــهْـدِة عُـــمَـــر مـا عــاد في إلـْهـا وُجــود!
*
وصـــــــارَت حَـلَـب إمِّ الـحَـضــارَه ألْــف عــام
نُـصّــا قَــتــيـــل ونُــصّــهــا الــثّــانــي رُكــــام
وصـارَت أهــالـي الـشّــام مِــن هــذا الـدَّمـار
تِــصْرَخ عَــرايــا وشـــــارْدي بــيـنِ الـخِـيـــام!
*
وصـارت سَــرايـا الــمـوت مـا تِـرْحَــم كِـيـــان
تِـهْـدم مُــدُن كــانَــــت مَــنـــارات الـــزَمـــــان
وصــارَت خَــنـاجِـرْهــا وحـَــديـــد سْــيـوفْـهـا
تِـعْـمَـل فَــظـايــع مـا سِــمِــع فـيـهـا مَكــان!
*
وصـــارت سَــرايا المـوتِ وإرْهــــاب الـغَـريـب
تِــهْــدِم كَـنـيـسِـه وْمَــسْـجِـد وتِـذبَـح قَـريـب
وهــذي الدَّواعـِـش جــــاهِــلــي ومـا بَــدّهـا
نــورِ الـهِـــلال يْـعـانـِــق نْـجـــومِ الـصَّـلـيــب!
*
وهــذي الــدَّواعِـش عـايْــشِــه بْـنَــــزْواتْـهــــا
وعَـــمْـتِــنْـهَـب الأوْطـــــــان مِــن ثَــرْواتْــهــــــا
حَــتّــى الـعِــراقي يْـعـــود لـلـجَـهْـــل الـقَــديــم
وأهْــلِ الــثَّـقـافِــــــه يِـقْـطَـعـــوا لْـسـانــاتْــهــا
*
وحَــتّــى الـعِـراقـي الأبــي والـشّـامي العَـريـق
تِــرْجَــع بَــناتــو تـِـلْـبِــس الــثّــوبِ الـعَــتـيــق
وأهْــلِ الـفَـواحِــش تِـرْفـــعِ عْـــلامِ الــنَّـــصِــر
وتْــنـام كُـلِّ الـعَـرَب فـي الـمـاضـي الـسَّـحـيـق
*
وأهْــل الــدَّواعِــش بِــالــتَّـعــايــش جـاحِــــدي
مـــا وَفَّــروا أهْـــــلِ الـعَــقـــيــــدِه الــواحِـــــدي
عـــادوا لَ أيـّـــــــام الــظَّـــــــلامِ الــجّــاهِــلــي
وصـــار الـغَــزِو والـنَّـــــهِـب نَـهْـــج وقــــاعِــدي!
*
وعــادوا لَ أيـّــــام الــغَــصِـــــب والإغْــتِـــصــاب
وجــابـــوا لَــكُـــــلِّ بْـــلادنــا أكْــبَــر مَـــصــــاب
وعــاثـوا بِ إسْــم الـدّيــن، والـخـالِـق فـَـسـاد
ومــا خــافــوا ألّـلــــه لا ولا عِــمْـلــو حْــســـاب
*
وعـاثـوا وعــادوا لَـلـسـَّــبـي وعَـهْـد الـرَّقـيــق
وبــيــعِ الـصَّـبـيـِّه وإمّــهـا بْـنُــــصِّ الطّــــريــــق!
وصـارَت مَـنــارات الـــفِــكِـر مِـــن ألْــف عــــام
وأهْــلِ الـعِـلِــم وكْـتابْـهــا تِــشْهـَـق شَـهـيـق!
*
وصـارَ الــوطَـــن يـِـنْـهـار فـي بَـحْـــــر الـدَّمــار
وأهْـلِ الـوطَـن مــا عِـــنْــدهـــا غــيــر الـفَــرار
وصـارَت صَـــبـايـا الـعِـــز مِــن أهْــل الـعِــــراق
تِــنْــــبـــاع بْـأوْقــح مَــزاد بْـــعِـــــزِّ الـنَّــهــــار!
*
وصـــارَت عِـصـــابـات الجَـريـمِــــه نْـــشـوفـهـا
راسِ الــطِّـفِــل مــــا تِـرْحَــمــو بِــسْــــيـوفْـهـا
وقُــدّام عـــيـنـي وعـيـنَـك وعــيـنِ الـجَـــمـيـع
كُـتْـبِ الـسَّـمـا بِـالـسّـيـفِ شَـقّــوا حْـروفْـهــا!
*
وقُـدّام عـيـنــي وعــيــنَــك وعــــيــنِ الـزَّمـــان
مـا خَـلّـوا فـي قَـلـب الـوَطَـن نُـقْـــطِــــة أَمــان
حَـتّـى الـمَـسـاجِـد هَـــدَّمــوا وهَــــدّوا الـمَــزار
ومـا خَـلّـوا فـي قَـلبِ الـكـنايـِس شَـــمْـعَــدان!
*
وحَــتّـى الـمَــنــارات الــعـريـقَــــه ونـــــورْهـا
هـَـدّوا بَـــلا تِـــفْـــكـيــر أرْقـــــى دورْهــــــــا!
وقُــدّام عــيــنِ الــنّــاس هَـــدّوا الـمـــيــذَنـِـه
وهَــدّوا مَــنـابِــر فِــكِــر عــالــي ســـــورْهــا!
*
وقُـــدّام عــيــــــنِ الــعَـرَب فــي أوْطـــانْــهــا
هَـــدّوا بْــــيــوت الــحَــضـــارَه وعُــمْــدانْــهــا
وقُـــدّام أهْـــلِ الأدَب والـشِّـــعْــر الـعَـظــيـم
هـَـدّوا قْـصــور الـثَّـــــقــافِــــــه وأرْكــــانــهـــا
*
وقُـــدّام عــيــنِ الـعـالـَـم وكُـــــلِّ الــعِــبـــــــاد
حَـــرْبِ الإبــــادِه دايـــــري بْــكُــلِّ الـــبِـــــــلاد
لا حَـدا حـاسِـــس مَـع حَــدا وغـابِ الـضَّـمـيـر
ولا حـَــدا نــاوي يِـــقـلـَع نْــيــابِ الـذِّئـــــــاب!
*
ولا حَــدا مــن أهْــل الـــتَّـبــــجُّــــح بِـالــكَــلام
قَـلـبــو انْـــوَجَـــع أو أنْــجَـــد الـنّـاسِ الـكِــــرام
والأجْـنـبـي ســــاكِــــــت كإِنــو مــا سِـــــمِــع
حـتّـى الـعَـرَب تِـنْــدَفَـن فـي كَـهـْـف الـظَّــلام!
[email protected]
