سْــمِـعْـنا إنّـو مِــنْ زَمـــــانْ
كـانْ مـــا بـيــنِ الأَلْــمــــــانْ
أَهْـــوَجْ مَـتْعــالي مَـنْـجــوسْ
وبِالـفِـكْـر الـنّــازي مَـهْــوُوس
وصـــار حـاكِــــم بــــالإرْهــابْ
ومـا ِعِــمِـل لَـلدِّنيـا حْـساب!
وصــــارْ عِـنْـدو جـيـشِ كْـبـيـر
وعِــنْـدو حُــبّ – لَـلـتِّــدْمـيـر!
وصـــارْ عِـــنْــــــدو دَبّــابـــات
وصـــارْ عِـــنْــــــدو طَـيّـــارات
وصــارْ يِــعْــمَــل شــو بَــــدّو
وشَــعْـبـــو الـعـاقِــل مـا رَدوّ!
فَـكَّــر حـــالـو ســـوبَـــــــرْمانْ
ويِـمْـكِـنْ، سُـــبْحـانو كَـمـان!
ويـــومْ يـــومْ صـــــارِ يْــزيـــدْ
عَـــالْإِنْـسـانِـيِّـه تِــهْــديـــــــدْ
هَــــدَّد أَهْــلـــو وإخْــوانـــــو
وسَـــلَّــح كُـــلّ أعْـــوانـــــــو
وعــيـنـــــو عَ أرْضِ الـجـيـران
وفـي كُـلِّ الــعــالَـم طَـمْـعـان
وسَــنِّ سْــنــانــو ونْــيـــابــو
وصــارِ يْـــشَــلِّـــــخ أحْـبـابـو!
وصـــارْ بَــدّو يِـمْـحي شْـعـوبْ
ومَــذابِــــح وَراهـا حْــــــروب!
ويِــبْــنــي جُــدران وأفْـــــران
وقــسَّم هالْـكــون – ألْــوان!
أبْــيَـض – أو سـامْ أو حـــامْ
ومــا خَـــلا واحَــدْنا يْــنـــــام
وصـار يِحْـرِق فـي هَـالـنّاس
مِــن غـيـر عَـقْـل وإحْـسـاس
وغَــطّــا الـسَّــمــا بِالـدُّخّــانْ
وغَـطّـــــــا الأرْض بِـالـنّـيـــران
وصــــــارْ هَـالـعـالَــم أســـــيـر
لَـلْــوَحْـشِ الـنّــــــازي الخَطـيـر
ورجَّــعْــنـا لَـسْـنــيـن الـغــــاب
وزادْهـــــــــــا، وْدارِ الــــدّولابْ!
والْـعالَـــــــم مـا عـادِ يْــطــيــقْ!
لا تِــدْمــيــــــر وْلا حَــريــــــــقْ
ويِــحْــمِــل فِــكْــر و وِفْــنـونـــو
والأهْـــــــــوَج زادِ جْــنـونـــــــو
وِالْــكــونْ صـــارْ الـمــيــــــــدانْ
وفــي كُــلّ ســـــــاحَــه بُـرْكــانْ
والـعـالَـمْ مِــنْ خــوفــو فــــــاقْ
والــدَّم!؟ صـــــار لَـلـسّـــــــاق!
وَقَّــف كُــلّــو! وإيــــــــدِ بْـإيـــد
يْـخَـلِّـصْـنـا مِــن هَـالعَـربـيــــــد!
حــاسَــبِ هَـالأهْـــوَج بِـالـنّــــار
وحـاصَـرو فـــــــي قَـلْـبِ الـدّار!
وِحْـســابـو كــــــانْ عَــــسـيــرْ
عَـالإِجْـــــــــرام والــتِّـــــدْمــيـــر
سَـــقـا الـعـالَـم كــاسِ الـسَّــمّ
وسَـــقــا الأرْض دْمـــــــوعِ وْدَمّ
شِــرْبِ الـسَّـمّ بْـنَـفْـسِ الكاسْ
وإسْـمـو في الـتّـاريــخِ انْـداسْ!
*
وإحْــنــا فــي هـــذا الـزَّمــانْ
صـــار فـــــي إلْــنـا جـيـــــرانْ
هَـجّـوا مِـنْ جـيــشِ الألـمـانْ
وتِــعْـذيـبِ وْجـورِ الــسَّـجّـــانْ
وقـالـوا: "إحْـنـــا وْلادْ ســــام"
ومــا عِــنّــــا مَــحَــلِّ نّـــــــام!
قـالــــوا: إحْــنــا مَـظْـلـومـيــن
وقـالـــوا: إحْــنا مَـحْـرومـيــن!
وقُــالـوا : إحْـنــــا وْلادْ عَــــمّ!
وإحْـنـا وإنْـتـو بْـنَـفْـسِ الْهَـــمّ
قَـلْـب الــــرّوح الـصّــافــي دَق
وقَـلْـــــبِ الـقَـلْـبْ حَـــنّ وْرَقّ!
أعْـطـيـنـــــاهُـــنْ رَحْـمِـــتْـنـــا
وطَـعْـــمـيـنـاهُــــن لُـقْـمِــــتْـنـا
وقـلـنــا : إحْـنا أهْــلِ السّـيـفْ!
بْــنِحْـمـي المَلْهـوفْ وِالـضِّـيـفْ
بِـْنـعـيـشْ فـي نَـفْـس الـبـيـتْ
ويــــا ريـتْـو بَــيَّــن يـا ريـــت!
كُـــــلِّ الإكْـــرام مـــا فـــــــادْ
والـجـــار عَــــن دَرْبـــو حــــــادْ
أنْــكَــرْنــا وأنْــكَـــــر وَعْـــــــدو
ومـا حِــفِــظْ مَــعْــنــا عَـهْـــدو
ونِـسـي الْـكَـرَم والـتِّـكْـريــــم!
وأنْــكَــرِ الْــقَـلْـبِ الـــكَــريـــم
ونِــســي إِنّــــا وْلادِ عْــمـــام
خْـلِـقْــنـا مِـن نَـفْــسِ الأرْحام
وْغَــيَّــــــر وْبَــــــــــدَّل كَـــلام!
ونِـســـــــي طَــريــــقِ الآلام!
وإنْــو طَــــــريــقِ الأدْيــــــــان:
إِنْــســـان يْــآخــي إنْــســــان
وإنـــــو طَــــريـقِ الـسَّــــلامْ
أرْقــى مِــنْ دَرْبِ الإجْـــــرام!
*
والــيــومْ، مِـن هَــالـجـيـــــرانْ
فـي واحَـدْ مِـثْـلِ الـصَّـعْـــــران!
عـايِـشْ فـي الْـوَهْــمِ الـقَـديـمْ
وفـي راسـو فِـكْـرو الـسَّـقيـــم
إنّـــو الإنْــســـان الــمُـخْــتـــار
والــنّـــــاسْ كُــــلّا أغْـــيـــــار
ومش طايقْـنا، عَـالـمَـكْشـوف!
ومــا بَــدّو إنْـســانِ يْـشـــوفْ
مْـفَـكِّــر حـالـو فَــصِّ كْـبـيـــــر
ومَــعــو شَــلْــعِــةْ دَبــابــيـــر
مِـثْـلِ الــعُـــمْــيــانْ مــاشــي
ومِـثْـلِ الـطّـاووسِ الـفـاشــي
ومِـثْـلِ الـخَـفّــاشِ الـخَـنّــاس
في راسـو نَفْـسِ الوَسْـواس!
وبــيــقـــولْ: كُـــــلِّ الأغْــيــارْ
لازِمْ نِــكْــــويـهـــــا بِــالــنّــار!
وبـيـقـولْ عَـــنّـا "أْغْـــــراب!"
وقــانــــونـو قــانــونِ الــغــابْ
وأطْـماعـو مـا إلْـهــا حْــــدودْ
وإجْـرامـو مـا بَــدّو شْـهــــودْ!
مَــرَّه بــيــقْــطَــعْ زَيـتـونِــــه
ومَـــرَّه بـيـقْـلَـع لَـيْـمـونِـــــه
وإجْــرامــو عَــــنْ حَـــدّو زادْ
وهَـالـقُـصَّـه صـــارَتْ تِـنْـعـاد!
وما كُـنّا نْـصَـدِّق هَـالْجـــار(؟)
بَـــدّو يِـرِمــيْــنــــا بِـــالـنّـــــار
وعِـنْدو شـوق وحُــبِّ كْـبــيــر
يِـحْـــرِق إمّ وطِـفْــــلِ زْغــيـر
ويِـحْـرِقْ مَـسْـجِــدْ أو جـامِـع
وكْـنـيـسِـه فـيـهـــا خــاشِـــع
خــــوري وخـوريِّـــه وْرُهْــبـــان
بـيـصَـلّــوا بْـكُـــلِّ الإيـمـــــــانْ
ألّـلـه يِـهْــدي عْـقـولِ الـنّـاس
وبــيـكَــفّـــــي تِـكْـبــيــر راسْ!
والّـلــه يْـخَـلِّـص عَـقْــــل الجـارْ
مِـنْ أوْهـــام ومِـــن أفْـــكـــار
في راســو مِــــنْ يــومْ نـــوحْ!
وأهْـلو؟ بـيـقـولــوا: مَـسْـفـوح!
وبـيـقـولوا: يِـمْـكِــــنْ مَـعْـذور!؟
بـيـفَـكِّــــر حـالــو "مَــنْــــــذور"
وبـيـقـولوا : راسـو مَهْــــووس
وخـايِـفْ مـن أهْـل المــاجوسْ
وصــــارْ فـي الّـلـيـل الـطَّـويـلْ
يِــحْـمِــلْ فـي إيــدو قَـنْـديــلْ
وزيــــتْ كــــــــــاز وْقَــنّـيـنِــه
ومِـــنْ قَــرْيـِــــه لَ مَــديــــنِــه
يِــحْـــــرِق كَــنـايِـــس بِـالـنّـار
وعالجـامِـع أبْــشَــع شِـــعـار
ومِـثْل الـثَّـعْـلَـب والـنَّـسـْناس
يُــهْـــرُب مِـــنْ بـابِ الـحُـرّاس
ويِـــتْـرك تَـوْقـيـعــو نَــذيــــر
بَــالأسْـــودْ: تــــاجِ الحَـمـيـر!
ومِـشْ عـارِف إنّـو الـجـانــي
بِـالآخِـــــرْ فِــكْــــرو فــــانــي
ومـــا فَــكَّــر إنّــــو هَــالــنّــار
بْـتـوكِـلْ صاحِـبْ هَـالأفْـكــار!
[email protected]
