إقِـرْثاوي / بَـصّاوي / باقــــاوي/
بِعـناوي / جِـشّاوي / حـيفاوي/
ديـراوي / راماوي / ريـنـــــاوي/
طـمراوي / عـكاوي / فـحـماوي /
كفرساوي / كـناوي / مجدلاوي /
مـعـلاوي / مكراوي / نـحـفـاوي/
نـصراوي / يـافـاوي / يـــــركاوي
ذهب إلى قطاع غـزه لـيُـداوي!
*
تِسْــلَــــم إيـــــــدَك يــا دَكـتــــــور
وتْـــظَــــل عْـــيـونَـــــك صـاحـــي!
خَـلّـي عْـيـونـي تْــشــوفِ الــنّــور
ودَخْــلَـــك داويــلـــي جْـــراحـــي!
*
عَــمْــتَـعْـطــيـنـي حُـــــبّ كْـبــيــر
وبِــتْــخَــفِّــفْــلــي أوْجــاعــــــــــي
وعَــمْـتِــنْــشِـلـنـي مِـن هَـالـبـــيــر
وغــيـرَك مـــــا إلْــنـــا راعِــــــــي!
*
عَــمْــتِــنـْـشِــلــنــا مِــــن زِلْـــــزال
وشــايِــف شـــــو صـــارِ بْـغَــــــزِّه
هَــدّوا بْــيــوت وراحــوا طْــفــــــال
ومــاتــــوا فـــي عاشِر هَـــــــزّه!
*
هَــــدّوهــا ومـــا انـْـهَــدّيـــــــــنـــا
وغَـــزِّه بـــاقــي فــي روحـــــــــي
بِــنْــعَــمِّــرهــا بـــإيــــديــنـــــــــــا
لــمّـــا بِــتْــصِــــحّ جْــروحـــــــــي
*
بِـنْــعَــمِّــرهــا – مَــهْــمـــــا صـــار
بْـنِـبـقــى هـــــون ومــــا بِــنْــــروح
مـــاتــوا أهْــلـــي بْــقَـلبِ الـــــدّار
وقَــلْــبــي مَــوْجـــوع ومَــجْــــروح
*
ومـــا ظَـــلّ عِـــنْـــدي قَـــريــــــب
ومــا عُــدْت بْــعــيــنــي أشـــــوف
وقــالــولــي، إنْــتــي الطَّـــبــيــــب
دَخــيــلَــك، إعْـــمَــل مَــعْــــروف!
*
وقــالــولــي عِــنْــدَك إيــمـــــــــان
وبـعْـيـونَـك عَــمْـتِــشْــفـي الـنّـاس
وقــالــولــي عَـــنْـــــــك إنْــســـان
ودَكــتــور بْــتِــرفــــع الــــــــرّاس!
*
ومـــا إلْــنـــا غــيـــرَك نَــصــيــــــر
وحــالِــتْــنــا حــالـــي صِــعْــبـــــي
ومِــش عـارف شـو بَــدّو يْـصـيــــر
والـعـيــشِـه عـــيـــشِـــه تِــعـْـبـي!
*
وهَـــــيّــاك شــــــــوفِ الحــالــــي
وشــو صــــار بْــعــيــنــي وإيــــدي
ظَــلـّـيــت - وراحــوا عْـــيــالــــي
أنــا وأخْـــــتـــــــــــي الـوَحــيــدي
*
ويِــمْــكــن ســامِــع بـِــالأخْــبــــار
كَـــــــــــــــلام بـــــيــهِـــدِّ الـــرّوح
وبــيــقــولــوا : " لازِم هَـالـــــــدّار
كُــنّـــا نِـتْــرِكْــهــــــا ونْــــــــروح!
*
وإحْــنـا ، ويـــن بَــدّنـــــا نْــطــيــر؟
ومـــا إلْــنــا مَـــطْــــرَح ثــانــــــــي
والــعــالَــم مَــخْــدوع كْــثــيــــــــر
ومِــشْ عــارِف مــيــنِ الـجـــانــي!
*
ومـــــا فـي حَــدا يْـــســاعِــدْنــــــا
أو حَــــدا فـــيــنـــا فـَـطْــنــــــــــان
والــظّــالـِــــم بــيــــهَــدِّدنــــــــــــا
والــبــــــارود بالأطْـــــنــــــــــــان!
*
والـــعَـــرَبي قـَـلــبـــو تْـعـــــــبـــان
وبـــالــو مَــشْــغـــول بْــحــالـــــــو
والـــغَــرْبي فــيــنــا شَـــــمْــتـــان
والــظــالـِـم عَ فَــيـّـالـــــــــــــــــــو
*
والــغــاشِــم تــارِكْــنــا نــــْمــــوت
تـَـحْـــت كْـــوام حْــجــــار الــــدّور
ومــا عـِـنـّــا حَــتـّــــــى تــابــــوت
والــحــارَه مَــلـيـانـِــــه قـْـبـــــور!!
*
والــعــالـَــــــم بــيــجــــافــيــنــــــا
وعَــلــيــنــا قـاســــي الأحْـــكـــــام
بَـــدّو بــصَّــحْــــــرا يْـخـلـيـنـــــــــا
ونْــعــيــــشِ بْــصَــحـــرا وخْـيـــــام
*
وحـــاصِــــــرْنـــا دايـِــر مِــنْــــــــدار
بْــأطْـــواقْ وِسْــيــاجِ وْســـــــــــور
وجـــــيــــوشِ وْصــــــــاروخ ورادار
وفـــي كُــــــــلّ زاوي نــــاظــــور!
*
وشــو بَــدّو يِــعْــــمَــــل فَــقـــــيـر
مــا عِــنْــدو يْــطَــعْــــــمــي وْلادو
وبـيـشـــوفْ حــالــو أســــــــــــيــر
وراحَــــــت مِـــن إيـــدو بـْــــــلادو؟
*
وأنــــــا مِــثِــل كُـــــــــلِّ الــنّـــاس
بَــدّنـــا نْــعــيــش بْــحُــرِّيـِّــــــــــه
ونِــبْــقـــى مَـرفــوعــيــن الــرّاس
وإلْــنـــا بــيــــــتِ وْهَــوِيـِّـــــــــه!
*
وإحْــنــــــا يـــــــــا دَكْــتـــورْ نــــــــا
كُــنّــا فــي الـمـاضــي أسـْـــــــيــاد
وراحَــــــــت كُــــــلِّ دْيــــارنـــــــــــا
وصُـــرْنـــا مِــــن أفْــقَـــر لِــبْـــــــلاد
*
والـــغَــنــي – فــي الــفَــنـــــــادِق
بـْـيِــسْـهَـر وبْــيِــعْــمَــل حَـــفْــلات
وإحْــنـــا تـَـحْـــــتِ الــخَــنــــــــادِق
ومــــن فــــــوق نــــــار وغـــــارات !
*
وإنـْـتــي شـــايـِــــــف حــالـِـتـْـنـــا
مــا فــي مــيـــــــن يـْــداويـــنــــــا
وإنـْـتـــي مِــــــن أهْــلِــيـِّـتـْــنـــــــا
بـْـتِــعْـــرِفْــنــا ومِــنّـــــا وْفــيــنــــا!
*
وإِنـْـتــي يـــــا عَــمّـــي الـطَّـبـيــب
جـــــــاي وبـَـــــــــدَّك راحِــتـْــنـــــا
ظـَـلـَّـــك عِــنّــا حَـتـّــــى يـْغـــيـــب
عَــتْــــم الـلــيــلِ بْـــخــيــمِـــتـْــنــا
*
ظَـلـَّـك – مـا فـي نُـقْــطِــة مَـــــــيّ
تَ أغْــسِــــل عــيــنــي فـيـهــــــــا
ومــــــــا عِــنْــــدي إمّ ولا بَــــــــيّ
تـِــسْــقــيــنـي أوْ أسْــقـيـهــــــا !!
*
وكُـل صْـحــابــي فــــي الــحـــــارَه
وكُــــــــــــــلِّ وْلاد جــيـــرانـــــــي
راحــــوا فــــــــي أوّل غـــــــــــارَه
وألـّـلــه الــعـــالــي حَــمــانــــــي!
*
وأنــــا فــــي عــاشِـــر غـــــــــــارَه
حَــسّــيــت انْــصــابَــت عــيــنــــي
بـِــــــــرْصـــــــاص مِــــــن طَــيّـــارَه
مــا بــيــنْ أخْــتــي وبــيــنـــــــــي
*
وعْــيــونـي مَـلـيــانـِــه دْمــــــــوع
وغـيـرَك مِــــش شــايـِـف فــيــهــا
وعَ بْــلادي قَـلــبــي مَـــــــوْجــوع
وغــيــرَك مــا بــيـــــداويـــــهــــا!
*
وغــيــرَك مــا عِــنـّــــا هـــــــادي
يـِــهْــديــنــــــا أو يـِـشْــفــيــــنـــــا
وخــايـِـــــف هَــــــــزّات بْــــــــلادي
تـَـحْــت الــخَـنـْـــدَق تِــخْــفــيــنــا!
*
تِــسْــلــم إيـــــــدَك يــا دَكـــتـــــور
وتـِـبْــقـى تْـــــــداويـلي جْـــراحـي
تَ يـِـرجـــــع لَ عْـيــــونـي الـنـّــور
و يْـصــيــــــر الـنّــور سْــــــلاحـي!
[email protected]
