قالت الإعلامية السعودية، لجين عمران، إنها تعرضت لعملية احتيال بقيمة 700 ألف درهم من معرض سيارات في الإمارات.

وأوضحت لجين خلال لقائها في برنامج "مراحل" مع علي العلياني أمس الثلاثاء: "على أساس كنت رايحة أشتري سيارة من معرض السيارات، بدون ذكر اسم، وكان في صديق مشترك وقال لي أنت بتدفعين 400 ألف، وباقي 300 ألف بتدفعيه على 6 شهور، بس المطلوب منك تقولين إن سيارتك من عندهم، فوافقت على العرض".

وتابعت: "رحت أنا وباسل أخوي قعدنا معهم، وأنا من النوع اللي كلمتي سيف علي، أنا ماني مضطرة إن أنت تجي وتوقع عقد عشان أدقك وتصدقني، فعلى طول أنا تحمست وطلعت دفتر الشيكات قلت لهم هذا 50% بقيمة 200 ألف، والباقي عند الاستلام، قال لي أوكيه وبالفعل صورت الإعلان والسيارة اللي هاخذها ونزلت في السوشيال ميديا وأخذوا دعايتهم، وفجأة غيروا الاتفاق، وبتدفعين المبلغ وراح نخصملك فقط 100 ألف، قلتلهم أنا ما عندي مشكلة إن هذا يكون الاتفاق من البداية بس تراوغون وتلفون".

وأضافت: "لجأت للشرطة لأنهم كانوا رافضين يرجعون الـ 200 ألف، فكلموهم وجابوهم وقالولي خلاص تفضلي معايا المعرض بنعطيك، قلت لهم لا هاتوها هنا لأنكم مراوغين، وقلت لهم أمام الشرطة أنا أرجل منكم لأني التزمت بكلمتي، بس ولا واحد فيكم رجال، لأنكم ما التزمتم بكلمتكم، ولكن من داخلي كنت مقهورة إن أحد يستغلني".

وختمت لجين: "رجعوا الـ 200 ألف واشترطوا في المقابل عدم ذكر اسمهم، بس خلاص الناس كلها عرفتهم".

ولجين عمران البالغة من العمر 44 عاما، إعلامية سعودية، عملت كمقدمة برامج في عدة محطات، وزاد صيتها منذ تقديمها لبرنامج "صباح الخير يا عرب". وهي أخت الفنانة أسيل عمران.

المصدر: RT