اليوم الثالث:-  (اللي ما قرأ اليوم الاول والثاني - يقرأهم)

فقت من السكره وكنت كتير تعبان
مش غادر اتحرك زي الكلب الجربان
مش عم بستوعب وين انا وبأنو زمان
اتصلت برائد اخوي دكتور الاسنان
وخبرتو اني مش واعي شو مبارح صار ومين اللي كان
قللي انا كنت بالقعده يا بغل يا حيوان
انت شربت كتير ومكنتش وعيان
قلتلو احكيلي شو صار لاني كنت سكران
فحكالي القصه وكانت صاغيه هالآذان:
وصلت لعندك وكنت صرت شربان
بايدك وسكي وحدك قناني بيره ملان
عم بتخبص بالحكي وبتغني " عندك نص من النسوان"
تحكي مع الكراسي وترقص مع الحيطان
كنت تنبح وتعوي وتساوي صوت السعدان
كانك عايش بعصر من قديم الزمان
وفجاه بدق الباب فكانت لحظة صمت وايمان
انو متكنش الشرطه او حدا منزعج من الجيران
فتحت الباب واذ بصبيه حلوه واموره كمان
سألت "وين فادي؟" بكل نعومه وحنان
فانت قلتلها "انا فادي" وكنت متعجب وحيران
طلبت تحكي معك عانفراد وتطلب منك الغفران
دخلتو الغرفه وانا الحقت اتنصت عليكو زي الشيطان
قلتلك "فادي انا متاسفه يا اجمل انسان
مكنش قصدي ازعلك او تكون غضبان
بطلب منك السماح وبطلب توخد بالحسبان
انه اكون حبيبتك واصير اشتريلك هدايا وبدلة باتمان" 
فانت جاوبتها " اول اشي لما تحكي تتلقمسيش باللبان
بطل ينفع تصالحيني خلص فات الاوان
انا مش حايلا انا مش زي فلان وعلنتان
كان اشرفلك لو تهربي خطيفه مع سعد الفران
او لو ابوكي زتهن بطشت او مرطبان"
اجيت انا عشان متتقاتلوش نزّلت عليكو الامّان
فبالغرفه راح الضو وصرتو زي العميان
فتحتو باب الغرفه وانت كنت تعيس وحزنان
والصبيه وجها اصفر متل فرخ الصيصان
طلعت من الدار والكل فيها صفنان
وانت نمت واحنا كملنا شرب ودخان
وهاد اللي صار اخوي يا عشقان
مجبور اسكر الخط بدي اكل لاني جوعان